Mäşiň bereketli sortynyň özboluşly gurluşy we biologiki aýratynlygy bar. Gögerip çykyp barýan ösümliginiň reňki goýy-ýaşyl. Ösüş çaltlygy gyradeň. Ösümligiň boýy ortaça 60-61 santimetre deň. Kösüginiň uzynlygy 9-10 santimetr. Agramy 1,26 gram. Bir ösümlikde ortaça 55-60 kösük, her kösükde 8-9 däne bolýar. Kösügiň reňki agymytyl-sary, dänesiniň reňki ýaşyl, süýri. Ýapragynyň uzynlygy 7-8, ini 4-5 santimetr. Müň dänesiniň agramy 75 gram. Baldagy inçe, otjumak we şireli, ýykylmaýar, dik ösýär. Ösüş döwri ortaça 80-83 gün. Howanyň gije gündizdäki ýylylyk derejesi 15-18 gradus bolanda ol gögerip çykýar. Ýyllyk derejesi18-22 gradusa ýetende oňat ösýär. Mäşiň bu sortyny iki möhletde-ýaz we tomus ekip bolýar. Ýazkysyny aprel aýyň soňky ongünliginde ekmeli. Bu döwürde ekilen mäşiň hasyllylygy gekdarda 14-16 sentner bolýar. Bugdaý oragyndan soň ekilen mäş oňat boý alyp, 75-83 günde bişýär. Haşal otlar oňa zyýan ýetirip bilmeýär. Bu möhletde ekilen mäşiň hasyllylygy gekdarda 22-24 santimetr bolýar.
Mäşiň bu sortyny sümmülli dänelileriň we gök bakja ekinleriniň yzyndan aralyk ekin hökminde ekmek amatly. Bir gekdara harçlanýan tohumyň mukdary 25-26 kilogram. Mäşi hatar arasy 60-15, 70-15 santimetr çyzgyt boýunça ekmek maslahat berilýär. Tohumy 3-4 santimetr çuňluga düşer ýaly etmeli. Ekiş pnewmatiki ekiji enjam bilen amala aşyrylýar.
Ekişden öň tohum dwident ýa-da ony çalyşyp bilýän himiki seriňde bilen dermanlanylýar. Ýer tagyt edip ekilse maksada laýyk bolýar. Aralyk ekin çykandan soň gunçalaýyn döwürde we gülländen soň suw berilýär. Netijede hasyllylyk ýokary bolýar.
Türkmen oba hojalyk institutynyň
Daşoguz agrosenagat orta hünär okuw
mekdebiniň mugallymy: Laçyn SARYÝEWA
