Aprel aýynyň ilkinji ýekşenbesi Daşoguz welaýatynyň döwrebap atçylyk-sport toplumy bahar paslynyň at çapyşyklary möwsüminiň açylmagy mynasybetli guralan giň gerimli dabaralaryň geçirilen ýerine öwrüldi. Baýramçylyk meýdançasy sebitiň öňdebaryjy sungat ussatlarynyň çykyşlary bilen has-da dolduryldy. Artistler sazly we folklor kompozisiýalarynda ahalteke bedewleriniň syratyny we özboluşly gözelligini wasp edip, köp sanly tomaşaçylarda ýokary ruhubelentlik döretdiler. Maksatnamanyň sport bölegini üç ýaşan we ondan uly atlaryň arasyndaky 1200 metr aralyga goýberilen çapyşyk açdy. Pellehanana ilkinji bolup çapyksuwar Babaýewiň hojalyk aty çapuksuwary Çärşemowiň dor aty geldi. Ýeňiji 1 minut 04,16 sekuntlyk netije görkezdi. Ikinji çapyşykda, 1400 metr aralykda bäsdeşlik has-da gyzyşdy we onda Daşoguz welaýatynyň polisiýa müdiriýetine degişli bolan aty ynamly ýeňiş gazandy. Onuň görkezen wagty 1 minut 22,9 sekunt boldy.Sport baýramçylygynyň iň ýokary nokady iň uzak aralyga — 1800 metre goýberilen bäşinji çapyşyk boldy. Bu durnuklylyk synagynda Daşoguz welaýatynyň polisiýa müdürliginiň dor aty ýeňiji boldy. Ýeňiji 2 minut 03,36 sekuntlyk netije görkezdi. Ýeňijilere Türkmenistanyň Hormatly Prezidenti Serdar Berdimuhammedow tarapyndan baýraklar gowşyryldy.
Türkmen oba hojalyk institutynyň
Daşoguz agrosenagat orta hünär okuw mekdebiniň
Sanly ulgama jogapkär mugallym:Garlyýew Wepa
